"Ештеңе істей алмаймыз": Бас прокурор сотталған экс-әкім Рысқалиевтің Лондонда жүргеніне қатысты пікір білдірді
Бас прокурордың орынбасары Әсет Шыңдалиев Атырау облысының бұрынғы әкімі Бергей Рысқалиевтің желідегі Лондонда түскен фотосына қатысты түсініктеме берді. Бұл туралы Stan.kz ақпарат агенттігі хабарлайды.
2013 жылы Бергей Рысқалиев "бюджет қаражатын ұрлады және ұйымдасқан қылмыстық топ құрды" деген айыппен сырттай 17 жылға бас бостандығынан айыру жазасына кесілді.
"Оған қатысты сырттай шығарылған үкім бар. Өкініштісі, біз бен Лондон арасында экстрадиция немесе азаматты беру туралы келісім жоқ. Тиісті келісімдер болмаса, құқық қорғау органдары ретінде ештеңе істей алмаймыз", – деді Шыңдалиев.
Сотталған экс-әкім Бергей Рысқалиевтің президент әкімшілігінің бұрынғы басшысы Аслан Мусинмен бірге түскен фотосы желіде тарап кеткен еді. Қазақстанның бұрынғы шенеуніктері Лондондағы сәнді Burberry киім дүкенінің алдында көзге түсті. Рысқалиев Лондонда тұрады, ал Аслан Мусин зейнеткерлікке шыққан соң Еуропаға көшіп, Черногория азаматтығын алған.
"6 миллион теңгеге дейін табыс табуға болады": Ауылда мал бағып жүріп, ағылшын үйренген 16 жастағы қазақстандық жұртты тәнті етті
Исмаиль: “Бір бұқаның құны 900 мың теңге"
Шымбұлақтан да үлкен жаңа Көкжайлау тау шаңғысы курорты салынады: Жоба алматылықтар үшін не береді
Дәл осы жобада жеке виллалардың салынбайтыны нормативтік құжатпен нақты бекітілуі қажет дейді Ержан Еркінбаев