Ертіс өзенінде балық қырылып жатыр
Шығыс Қазақстан облысындағы Ертіс өзенінде балық қырылды, деп хабарлайды Stan.kz ақпарат агенттігі.
Зайсан-Ертіс облысаралық бассейндік балық шаруашылығы инспекциясына 9 сәуірде Ертіс өзенінде балықтардың қырылғандығы туралы ақпарат келіп түскен. Сол күні инспекция мамандары бекітілген талапқа сәйкес, Шығыс Қазақстан облысы бойынша экология департаментімен, табиғи ресурстар және табиғатты пайдалануды реттеу басқармасымен және орман және аңшылық шаруашылығының жедел әрекет ету бөлімімен бірлесіп, су қоймасына зерттеу жүргізді.
"Қырылған мөңке балығының жалпы салмағы – 30 келі. Қазіргі уақытта балық өлекселері толықтай жойылды. Сонымен қатар зерттеу жұмыстарын жүргізу үшін судың және балықтың сынамалары алынды", - делінген инспекция өкілдері таратқан хабарламада.
Балықтың не себепті қырылғаны зерттеу нәтижесінен кейін белгілі болмақ.
"Сот шешіміне дейін пәтерде тегін тұра ала ма": Үй иелері мен жалға алушылар Қазақстандағы жаңа өзгеріске байланысты нені білуі керек
Қожайындар енді екі айлық пәтер ақысын депозит ретінде бірден сұрайды
Қазақстандық оқушы ауа арқылы су тапшылығын жоюдың жолын қалай ойлап тапты: Оның өнертабысына шетел қызығуда
Ол жақында Венадағы БҰҰ штаб-пәтерінде Cleantech Days Forum 2026 форумында әлемнің үздік үш жас өнертапқышының қатарына енді