Еріген қар суының салдарынан екі облыста жол жабылды

ҚазАвтоЖол еріген қар суының салдарынан екі облыста жол жабылғанын мәлімдеді. Бұл туралы Stan.kz ақпарат агенттігі хабарлайды. 

Фото: sapaortalygy.kz

ҚазАвтоЖолдың мәліметінше, 21 наурыз күні сағат 08:00-дегі жағдай бойынша еріген қар суының салдарынан 2 облыстағы 2 республикалық маңызы бар автомобиль жолдарында көлік қозғалысына шектеу қойылған.

Ақтөбе облысы:

- "Қандыағаш - Ембі - Шалқар - Ырғыз" автожолының 3-92 шақырымдарының аралығы (Қандыағаш қаласы - Ембі қаласы).

Қостанай облысы:

- "Мариновка ауылына кіреберіс" автожолының 9 шақырымы.

“Барлық учаскелерде айналма жолдар қарастырылған. Қазіргі таңда республикалық жолдарды күтіп-ұстауға 104 арнайы техника мен 142 маман жұмылдырылды”, – делінген хабарламада.

Еске салсақ, бұған дейін Тоқаев су тасқынына қатысты төтенше жағдайлар министріне тапсырма бергені туралы жазған едік.