Соңғы жаңалықтар
Соңғы жаңалықтар

Емші бала Ербосын: Мен отырған жерге имамды жолатпаңдар

«Үкілі бала», «Емші бала Ербосын» атымен танылған Ербосын Серікбаев бүгінде Ақтөбе қаласына көшіп, медицина саласына ойысып, «фельдшер» мамандығына оқып жатыр. Содан болар, ол біраз уақыттан бері сұхбат беруден бас тартып жүрген. Ал түсірілімге шақырған кезде, «мен отырған жерге имамды жолатпаңдар» деп шарт қояды екен.

Ербосын Серікбаев

Бұл туралы Еуразия бірінші арнасының «Пендеміз ғой» бағдарламасына сілтеме жасап Stan.kz ақпарат агенттігі хабарлайды.

Өз кезегінде Ербосын неліктен мұндай талап қоятынын түсіндіріп берді.

«Бір рет «Кешкі кездесуден» кейін үлкен айқай болды. Ол жерде менің айтқандарымының кейбірі дұрыс болмаған шығар. Өйткені маған беріліп тұрған нәрсе болғандықтан, неге адамдарға көмектеспеуім керек? Сол сөз менің жүрегімде тұрып қалды. Мешітте отырған, Алланы аузына алып отырған адамдардың соны мойындамайды, Алланың құдіретіне сенбейды. Олар: «Көріпкелдерге, емшілерге сенбеңдер», – деп айтады. Олар көріпкел емес қой. Емшілердің емдей алатынын не алмайтынын тек Алла білсін десе, мен түсінер едім. Екіншіден, анам маған бөтен адамдардың сөзі тигенін қаламайтынын айтты. Сондықтан анам маған имамдар болмасын деп айтты», – дейді Ербосын Серікбаев.

Сондай-ақ, Ербосын өзінің мұсылман екенін, дінге көзқарасы түзу екенін айтты. Тіпті, анасы екеуі Қызыорда облысында мешіт салдырған.

«Аралдың, басқа жақтардың имамдарымен кездестім. Бір имамнан «саған жын кіріп кеткен» деген сөз естімедім. Басқа имамдар: «Ғайыпты болжама. Құранмен, қанмен емдесең, артық сөзіміз жоқ», – деді», – дейді емші бала.

Емшіге сену, сенбеу әр адамның өз еркіндегі дүние. Алайда алдына келген науқастан ақша алуды ғана көздеп, түрлі дәрілік заттар сатып, денсаулығына зиян келтірген жалған емшілер туралы да соңғы уақыттарда көп мәлімет тарап жатыр. Сондықтан барлығына бірдей сене бермеген жөн.

Айта кетсек, бұған дейін Қазақстандағы жалған емшілер адамдардың өмірін қалай құртатынын жазған едік.

Stan.kz сайтын Telegram арқылы оқыңыз. Арнамызға жазылыңыз

Талқылау
Пікір
Қазір оқып жатыр
Çàãðóçêà...
Қазір оқып жатыр