"Елмен бірге қайғырдым": Дильназ Ахмадиева марқұм Салтанат Нүкеноваға ән арнады
Танымал әнші Дильназ Ахмадиева күйеуінің соққысынан дүние салған марқұм Салтанат Нүкеноваға арнап ән жазды. Бұл туралы Stan.kz ақпарат агенттігі хабарлайды.
Фото: https://www.instagram.com/dilnaz_akhmadiyeva/?
Өнер иесі қайғылы жағдайдың өзіне қалай әсер еткенін баяндап берді.
“Жантүршігерлік жағдай туралы елмен бірге білдім. Мен де жыладым, ұйықтамадым, уайымдадым, марқұм үшін дұға еттім. Менің қолымнан келгені Салтанатқа арнап ән жазу. Айтбек сізге ризамын, алғысым шексіз. Отбасыңызға бұл үлкен ауыр соққы әрі сынақ болды. Сіздерге денсаулық пен күш-қуат тілеймін. Бұл ән жүрекке жетеді деген үміттемін", – деп жазды әнші.
-
Байжановтың адвокаты сот барысында TikTok арқылы ақша тапқан
-
Бишімбаевтың адвокаттары үкімге қатысты жоғарғы сотқа шағымданбақ
Желі қолданушылары түрлі пікір білдіріп, туындының көңілден шыққанын жарыса жазып жатыр.
“Салтанатқа арналған орыс тіліндегі әндер бұлай жүрекке жетпеп еді”, “Сөздері керемет екен”, “Марқұмның рухы шалқысын!”, “Керемет туынды болыпты”, “Жылап отырып тыңдадым”, “Марқұмға тыныштық берейікші, ата-анасына көрген ауыр”, – деп жазып жатыр оқырман қауым.
Еске салсақ, бұған дейін апелляциялық сот Қуандық Бишімбаев пен Бақытжан Байжановқа қатысты үкімін өзгеріссіз қалдырғаны туралы жазған едік.