Су кодексі автокөлік жуу орындары, қоғамдық моншалар және өндіріс орындарынан суды үнемдеп, қайта өңдеуді талап етеді. Бизнес өкілдері бұған теріс баға беріп отыр. Айтуларынша, тариф өсіп, қолжетімсіз болады, ал суды қайта пайдалану қызмет көрсету сапасына әсер етеді.

“Мұның барлығы жертөлеге, суды қайта өңдеуге орнатылған. Ол әуелі кәрізге түседі, содан кейін ол сүзіліп, қайтадан келеді. Көбіне клиенттер салоннан батпақтың иісі шығады деп шағымданады. Біз оларға мұның су екенін айтсақ, сенбейді. Олар шүберектер сасып кеткен деп ойлайды. Жұмысшылардың қолдарында және денелерінде аллергия пайда болады. Мен мұнымен қалай күресетінімді білмеймін. Қаншама қаражат бөлінді!”, – деді көлік жуу мекемесінің әкімшісі Ақмарал Мәділмұхамедова.

Су ресурстарын тиімді пайдалану – уақыт талабы. Мамандар осылай дейді. Егер ысырапшыл әрекеттер қолданылса, осы онжылдықтың соңына қарай су тапшылығы ушыға түседі.

“Қазір ірі су тұтынушылардың қатарында көлік жуу, коммуналдық қызметтер, кафе мен барлар, сауналар, мейрамханалар, қонақүйлер бар. Олардың барлығы үнемдеуге, тазартуға және қайта пайдалануға болатын су көлемін аяусыз пайдаланады. Олар қайта өңдемейді, өйткені бұл пайдасыз. Өйткені су тарифі өте арзан. Ал тарифтер қымбаттаса, халық қомақты ақша төлеуге мәжбүр болады”, – деді қоғам белсендісі Тимур Елеусізов.

Қазіргі су кодексі 2003 жылы қабылданған. Ол экономикалық тиімділікке баса назар аударады. Жаңа жоба су қауіпсіздігі мен суды үнемдеуге бағытталған. Құжатты қазір мәжіліс депутаттары қарап жатыр.

Талқылау