Елімізде ең көп қолдан жасалатын банкнот анықталды
Елімізде ең көп қолдан жасалатын банкноттың 2 мың теңгеліктер екені анықталды. Өткен жылы қолдан жасалған ақшаның 65 пайызы дәл осы купюра болған, деп хабарлайды Stan.kz ақпарат агенттігі 31-арнаның "Информбюро" бағдарламасына сілтеме жасап.
Мәселен соңғы бір жыл ішінде 519 дана жалған ақша шығарылған. Оның 340-ы 2 мың теңгеліктер. Одан кейінгі кезекте 5 мың теңгеліктер, барлығы 94 дана жасалған. Сонымен қатар 7 дана 10 000 теңгелік қолдан жасалған купюра айналымға енген.
2021 жылы жасалған жалған ақшалардың жалпы сомасы 1,5 миллион теңгеден асқан. Қолдан жасалған теңгелер Нұр-Сұлтан, мен Алматы қалаларында көп анықталған. Ал Шығыс Қазақстан облысында 26 жалған банкнот тіркеліпті.
Айта кетейік, бұған дейін Алматыда қаржы мониторингі агенттігі аумақтық департаментінің қызметкерлері арнайы комиссияның қатысуымен жалған доллардың ірі сомасын отқа жаққан еді. Бағалы қағаздар 2020 жылдың қыркүйегінде жедел-іздестіру іс-шараларын жүргізу кезінде табылған.
Талқылау
"Қазақтар тұрмайтын Германияда тіліміз қазақша шықты": Шетелде туып-өскен қазақ жігіті желі қолданушыларын несімен сүйсіндірді
Бөкейхан: "Германияда балабақша қызметкерлері ата-анамызға бізбен немісше сөйлесу керегін ескертіп отыратын"
Қазақстандық белсенді уақыт белдеуін қайтару үшін партия құрмақ: Ол зерттеу жүргізіп, қазіргі уақыттың халыққа зиян тигізіп жатқанын анықтады
Шығыс Қазақстан облысының өзінде тонау қылмысы 2,5 есе артқан