Теміртауда допты алу үшін қоршаудан секірген балалар тоққа түсіп қалды
22 сәуірде Теміртау қаласының 4А блогында 3 бала тоққа түсті. Қарағанды облысының полиция департаменті оқиғаға қатысты түсініктеме берді. Бұл туралы Stan.kz ақпарат агенттігі хабарлайды.
Теміртау тұрғыны ауданда үш мемлекеттік көпқабатты үй салынып жатқанын жазды. Ал жақын маңда мектеп бар.
"Кеше кешке балалардың бірі добын алу үшін құрылыс алаңына қоршаудан өтті. Бала тоққа түсіп қалған. Тағы екі бала досына көмектесуге тырысып, жарақат алған. Олар балалар ауруханасында", – деп хабарлады тұрғын.
Ол Теміртау қаласының 4А блогындағы 9/1 ғимаратының тұрғындары биліктен қауіп төндіретін жоғары вольтты кабельді алып тастауды және құрылыс алаңының қауіпсіздігіне жауапты барлық адамды жауапкершілікке тартуды талап етті.
ОқыңызҚарағанды облысының полиция департаменті Теміртауда үш кәмелетке толмаған баланың электр тогынан жарақат алуына байланысты "Салғырттық" бабы бойынша қылмыстық іс қозғалғанын хабарлады.
"Зардап шеккендер ауруханаға жатқызылды және медициналық бақылауда. Қазір полиция оқиғаның барлық мән-жайын жан-жақты, толық және объективті анықтауға бағытталған бірқатар қажетті тергеу іс-шараларын жүргізіп жатыр", – деді департаменттің баспасөз қызметі.
"Әкеңіз сізге керек болмаған соң, қайтыс болды": Қазақстандықтар психологтардан қалай зардап шеккендерін айтты
