Димаш Құдайбергеннің қарындасы ағасының челленджін қолдап, "Aqerke" әніне биледі
Димаш Құдайбергеннің қарындасы Раушан ағасы жариялаған би челленджіне қолдау білдірді. Бұл туралы Stan.kz ақпарат агенттігі хабарлайды.
Бір ай бұрын Димаш осы әнге арнайы челлендж бастаған еді. Шарт бойынша, “AQERKE” әніне би түсіріп, ең көп қаралым жинаған қатысушы әншінің жаңа бейнебаянына түсуге мүмкіндік алады. Раушан Құдайберген де әншінің жаңа “AQERKE” әніне билеп, видеоны әлеуметтік желідегі парақшасына жариялады.
Раушанның видеосы Франциядағы Мон-Сен-Мишель сапары кезінде түсірілген.
“Мен байқауға қатысып жатқан жоқпын, биші де емеспін. Бірақ ағамды қолдауға міндеттімін. Уақыт аз қалды, челленджге қатысып үлгеріңіздер. Видеоны 40 градус ыстықта небәрі екі дубльмен түсірдік, сондықтан қатты сынамаңыздар”, – деп жазды ол.
ОқыңызДимаш та қарындасының видеосына бірден пікір қалдырып:
“Жаным, жүрегім”, – деп жазған.
Желі қолданушылары Раушанның биін жоғары бағалап, оның қимылына тәнті болғандарын жеткізді. Кейбірі видеоны көргеннен кейін өздері де челленджге қатысқысы келгенін жазды.
“Уау, Раушан, қимылың керемет!”, “Жарайсың, өте әдемі шыққан”, “Сені Францияда қарсы алғанымызға қуаныштымыз”, “Бұл әнге менің де видео түсіргім келіп кетті. Биіңмен жұқтырып жібердің. Осы видеоны 500 рет көрген шығармын”, – деп жазды желі қолданушылары.
Еске салайық, бұған дейін Димаш Құдайберген жаңа челлендж жариялағаны, ал жеңімпаз оның жаңа клипіне түсетіні хабарланған еді.
Шымкентте әскерге барудан қашқан 23 жастағы жігіт үшінші қабаттан секіріп комаға түсті
