Дәрігерлер жүкті әйелді науқаспен шатастырып ота жасап баласынан айырды
Праганың Чехия қаласында "Буловка" университеттік ауруханасының дәрігерлері жүкті науқасқа қателесіп ота жасап, оның баласына аборт жасаған. Бұл туралы Stan.kz ақпарат агенттігі CNN prima NEWS порталына сілтеме жасап хабарлайды.
Медициналық мекеме қызметкерлері екі азиялық әйелді шатастырып алған. Олардың бірі, жүкті науқас ауруханаға жоспарлы тексеруден өту үшін келген. Ал екіншісі жатыр ауруын емдеуде жасалатын отаны жасатуды көздеген. Бұл ота жүктілікті тоқтату мақсатында да жасалып жүрген.
Белгісіз себептермен дәрігерлер жүкті әйелді науқаспен шатастырып, оған операция жасаған. Осылайша әйел сау баласынан айырылды. Болған жағдайға қатысы аурухананың барлық қызметкерлері уақытша жұмыстан босатылды.
Чехияның денсаулық сақтау министрлігі қателікке жол берген барлық дәрігерлерді жауапқа тартуға шақырды. Егер олардың немқұрайлылығы дәлелденсе, аурухана зардап шеккен науқасқа өтемақы төлейді. Қазір іс бойынша тергеу жүргізілуде.
Шымкентте әскерге барудан қашқан 23 жастағы жігіт үшінші қабаттан секіріп комаға түсті
Жанна: “Ұлыма қысым көрсеткендер әскери комиссариат қызметкерлері болмай шықты”
Қазақстандық әйел липосакция жасатамын деп өлім аузынан қалды: Оған отаны мейіргер жасаған
Бану: "Оның процедура өткізуге ешқандай рұқсаты болмаған"