"Дәрігерден аппаратқа қосуын өтіндім": Ерікті қыз науқасты құтқаруға 7 минут жетпей қалғанын айтты (видео)
Қырғызстандағы "Бастамашыл жастар орталығының" белсенділері инстаграм парақшаларында ерікті қыздың жанайқайын жариялады. Көзіне жас алған қыз ауруханада пневмониямен ауырған науқастың өмірін құтқара алмай қалғанын айтты.
Бойжеткеннің айтуынша, оған ер адамның өмірін сақтап қалуға жеті минут жетпеген. Ол дәрігерлерді науқасты қабылдауға көндіремін деп баға жетпес уақытты жоғалтып алғанын айтады.
«Егер оны аппаратқа қосқанда, құтқарар едік. Жансақтау бөлімінде орындар жеткіліксіз, сондықтан адамдар күн сайын өледі. Мен дәрігерлерге науқасты кейінірек алып кетемін деп уәде бердім, бірақ қазір оны аппаратқа қосуым керек. Ол тұншығып тұр дедім. Ақымақ үкімет! Науқас маған қазір өлетінін айтты және қызына оны қалай жақсы көретінін айтуымды өтінді», - деп жылады қыз.
Оқиғаның нақты қай ауруханада қай күні болғаны әлі анықталған жоқ.
Талқылау
Радикализмнен қорғанудың жолы – иммунитет қалыптастыру: Теріс ағымнан сақтануда діни білімнің маңызы қандай
Әл-Фараби Болатжан: “Надандық бар жерде радикалдық ағым кең етек жая бастайды”
"Несиенің пайыздық мөлшерлемесі азаяды": Сарапшы коммерциялық банктер тұрғын үй жинағын енгізсе қандай өзгерістер болатынын айтты
Сарапшы: "Бұл ұзақ мерзімді перспективада банктік жүйеге де оң әсер етеді. Уақыт өте келе қаржыландыру арзандайды, яғни ставкалар төмендеп, неғұрлым қолайлы деңгейге жетеді”