БЖЗҚ-дан жинақ ақшасын алмақ болған қазақстандық ерлі-зайыпты қаржыларынан айырылып қалды
Ақмола облысының полицейлері зейнетақы жинақтарын алып береміз деген желеумен ерлі-зайыптыны сан соқтырған алаяққа қатысты тергеуді бастады. Бұл туралы Stan.kz ақпарат агенттігі хабарлайды.
Облыстық полицияның хабарлауынша, алаяқтық ісінің құрбандары ерлі-зайыптылар болған. Тергеу мәліметтері бойынша, 2023 жылдың қазан айында Целиноград облысындағы ерлі-зайыптылар зейнетақы қорынан ақша алу мүмкіндігіне қызығушылық танытқан.
"Тиісті рәсімді жүзеге асыру үшін делдалдар келесі схема бойынша жұмыс істеген. Олар ерлі-зайыптыға стоматологиялық емханаға 2 миллион 800 мың теңге зейнетақы жарнасын аударуды ұсынған. Сондай-ақ кейін бұл соманы алуға болатынын ескерткен. Делдал қыз өз қызметін 228 000 теңгеге бағалаған. Арызданушылар оның банк шотына ақша аударған. Ақмола тұрғындары жарты жылдан астам зейнетақы жарналарын алмағандықтан, полицияға арызданған", – делінген хабарламада.
Алаяқтық әрекет фактісі бойынша Целиноград аудандық полиция бөлімінің қызметкерлері сотқа дейінгі тергеу амалдарын бастады. Нәтижесінде, күдіктінің жеке басы анықталды.
"Полиция қызметкерлері жедел іздестіру іс-шараларын жүргізуді жалғастырып жатыр. Сонымен қатар басқа да заңсыз әрекеттерден зардап шеккендердің бар-жоғы анықталып жатыр. Полиция қызметкерлері алаяқтардан сақ болуды және ақшаға қатысты күмәнді ұсыныстарға келіспеуді сұрады", – делінген хабарламада.
Айта кетейік, бұған дейін алаяқтар атыңыздан несие рәсімдесе не істеу керегі туралы жазған едік.