"Болат Назарбаевтың көмегімен алған": Депутат су қоймаларын мемлекетке қайтару ісі бойынша бас прокурорға үндеу жасады
Мәжіліс депутаты Бақытжан Базарбек сот процестеріне және су қоймаларын мемлекет меншігіне қайтару мәселесіне бақылауды күшейту қажет екенін айтты. Бұл туралы Stan.kz ақпарат агенттігі хабарлайды.
Депутаттың айтуынша, Конституцияда табиғи ресурстардың халыққа тиесілі екені және оларды мемлекет халық атынан басқаратыны бекітілгеніне қарамастан, кей жағдайларда су қорының бір бөлігі жеке меншікке өтіп кететін деректер кездеседі.
Депутат кейбір істер бойынша соттардың мемлекет ұстанымын қолдап, бұрын жасалған мәмілелерді заңсыз деп танитынын айтты. Алайда ұқсас басқа істерде керісінше шешімдер қабылданып жататынын, бұл сот тәжірибесінің бірізділігіне қатысты сұрақтар туындататынын атап өтті.
Депутаттың айтуынша, Алматы облысында су қорын заңсыз иеліктен шығару деректері бойынша жүргізілген тергеулер сотқа дейін жетіп, сот мемлекет жағын қолдаған жағдайлар бар.
"Алматы облысында кезінде Болат Назарбаевтың көмегімен бір адамның заңсыз иелігіне өтіп кеткен төрт ірі су қоймасы қайтадан мемлекет меншігіне қайтарылды", — деді Бақытжан Базарбек.
Сонымен қатар депутат сот тәжірибесінде қарама-қайшы мысалдардың да бар екенін атап өтті. Атап айтқанда, ол Қапшағай су қоймасының су қорғау аймақтарына қатысты жерлерді қайтару жөніндегі бірқатар істерде соттар анықталған заңбұзушылықтарды мойындағанын, ал басқа ұқсас істерде мемлекеттік органдардың талап-арыздарын қанағаттандырудан бас тартқанын атап өтті.
ОқыңызОсыған байланысты депуатат Жер және Су кодекстеріне сәйкес бұл аумақтар жеке меншікке жатпайтынын еске салып, мұндай істерге бірыңғай көзқарас қажет екенін айтты.
"Әрине, біз судьялар мен соттардың жеке ұстанымдары туралы шексіз пікірталастыра аламыз, бірақ Жер және Су кодекстерінің, яғни заңның талабы анық: су қоры нысандары мен жерлері жеке меншікке жатпайды. Неліктен жер комиссияларында да, бізде де, олигархтарда да Алматы облысында су қорының заңсыз иеліктен шығарылған жерлерін сот арқылы қайтару үдерісі үлкен қиындықтармен өтеді? Өйткені заң бәріне ортақ, олигархтар үшін ерекше сот төрелігі болмауы тиіс", — деді депутат.
Депутат бас прокурордан Қапшағай су қоймасы мен Іле өзені бойындағы су қоры жерлерін мемлекет меншігіне қайтаруға қатысты талап-арыздарды ерекше бақылауға алуды сұрады.
Сонымен қатар Бақытжан Базарбек тексеру нәтижелері бойынша 65 жер теліміне қатысты қосымша талап-арыздар түсіріп, мәмілелерді заңсыз деп тану және меншік құқықтарын жою туралы сотқа жүгінуді ұсынды.
Еске салсақ, бұған дейін Болат Назарбаевтың ұлы Нұрбол Назарбаев тағы да өзін банкрот деп жариялау үшін сотқа жүгінген еді. Ресми деректерге сүйенсек, Нұрбол Назарбаевтың 63 миллиард теңге қарызы бар
"Өлтіруге болатынын балаларға көрсетуге болмайды": Зообелсенділер бұралқы иттерді жоюға қарсы шықты
