"Бір алтын үшін мың баланың балағын қысқартып, сақалын ұзартуына қарсымын": Бибігүл Дәулетбекқызы Елдос Сметовтің діни әңгімелеріне қарсы шықты
Танымал журналист, қоғам белсендісі Бибігүл Дәулетбекқызы жастарға уағыз айтатын сала өкілдерін сынады. Бұл туралы Stan.kz ақпарат агенттігі хабарлайды.
Фото: Жеке парақшадан алынды
БАҚ өкілінің айтуынша, әнші әнін айтып, спортшы жаттықтыру керек екенін жеткізді.
“Журналист мамандығын алғанымда ұстазым Камал Смайловқа: "Ақиқатты ғана жазамын. Қарапайым халықтың сөзін сөйлеймін" деп серт бергенмін. Осы уәдемде тұру парызым! Менің міндетім – Қазақ деген ұлтымды сақтап қалу! Бір алтын әкелді екен деп, мыңдаған баланың балағын қысқартып, сақалын ұзартып, ертеңгі күні өз халқыма қарсы шығартып ала алмайды екенмін! Қай-қайсыңа да айтарым осы: Елдің алдында жүрсің бе? Тыныш жүр, уағызыңды айтпай, жастардың санасын әсіредінмен уламай! Әншісің бе? Әніңді айт!” – деп жазды ол.
Одан кейін журналист Париж Олимпиадасының чемпионы Елдос Сметовтың: “Ата-ана – осы өміріңді дұрыстауға да, ақыретіңді дұрыстауға да Алланың берген бонусы” деген сөзіне шүйлікті.
“Мына сөзінен кейін тіпті жиренеді екенсің! Бұған әке-шешесі бонус шығар?! Дәл мен үшін ата-анам – алтын тәжім!”, – деп жазды журналист.
Еске салайық, "Анасы жанынан қалмайды" деп Елдос Сметов өзін және отбасын сынап жатқандарға жауап берген еді.
Енді "Отбасы Банк" монополиясы болмайды: Ипотекалық несиелендіру реформасынан қандай жақсылық күтуге болады?
