Бибісара Асаубаева әйелдер арасында Азияның үздік шахматшысы атанды
Халықаралық шахмат федерациясы (ФИДЕ) қазақстандық Бибісара Асаубаеваны 2021 жылдың қорытындысы бойынша әйелдер арасындағы Азияның үздік шахматшысы деп таныды, деп хабарлайды Stan.kz ақпарат агенттігі.
Бибісара марапатты алғаны туралы өзінің Facebook парақшасында хабарлады.
"Кеше ФИДЕ марапаттау рәсімі өтті – 15-ші әлем чемпионы Вишванатан Ананд маған "Әйелдер арасындағы Азияның үздік шахматшысы 2021" марапатын табыс етті. Менің еңбегімді бағалаған ФИДЕ-ге рахмет", - деп жазды шахматшы.
Жарқын марапатқа ие болған Бибісара Асаубаеваны Қазақстан президенті Қасым-Жомарт Тоқаев арнайы құттықтап, жаңа спорттық жетістіктер тіледі.
- Шахмат федерациясының басшысы 3 миллиард теңге сұрату үшін бізді Президент Әкімшілігіне апарды – Бибісара Асаубаева
- "Отаны жоқ қаңғыбастар секілді жүрді": Қазақстан құрамасы Үндістанда өтіп жатқан шахмат Олимпиадасына көк байрақсыз келген
Еске сала кетейік, Бибісара Асаубаева Қазақстан тарихында ересектер арасындағы әлем чемпионаттарында алтын алған алғашқы шахматшы. Ол сондай-ақ әлем шахматы тарихындағы ең жас әлем чемпионы.
Сол чемпионатта Бибісара жылдам шахматтан (Рапид) 2-ші орын алды. Шешуші партияларда ол тәжірибелі грузиялық шахматшы - . Шешуші ойындарда ол тәжірибелі грузин шахматшысы – гроссмейстер Нана Дзагнидзені, жерлесі Әсел Серікбайды жеңіп, гроссмейстер Александра Костенюкпен тең түсті.
