"Басқа қыздармен де араласып көрдім": Заңғар Нұртас неге Жібекті таңдағанын айтты
Айдарбековтер әулетінің үшінші келіні Жібек әлеуметтік желіде нағыз блогерге айналды. Ол қыз баланың ішкі жан дүниесі мен дамуы, құндылықтары жайлы түрлі лайфхактарымен бөлісіп жүр. Алайда оқырмандардың арасында Жібекті тым жас санап, оның "ақылын" керек еткісі келмейтін қыздар да кездесті. Елдің сынына Заңғар Нұртас жауап берді, деп хабарлайды Stan.kz ақпарат агенттігі.
"Бізге өмір сүруді үйретпей-ақ қойшы. Сен бар болғаны жақсы күйеуге шықтың, жолың болды", - деп жазған Жібектің оқырмандарының бірі. Осы ретте Жібек жұбайы Заңғардың пікірін сұрады. Өз кезегінде ол Жібекті қандай қасиетіне қарап таңдағанын түсіндірді.
"Сенің расымен де жолың болды. Бірақ шынына келгенде, менің де сенімен жолым болды. Сені кездестіргеніме қуаныштымын. Бір жыл бұрын екеуміз кездеспей жүрген кезде мен басқа қыздармен де араласып көрдім. Бірақ қарым-қатынасымыз ондай болған жоқ. Сондықтан түсінгенім, қыз деген өзіне сенімді болу керек және өзінің құндылығын түсіне білу керек. Сол кезде еркектің оған деген қарым-қатынасы дұрыс болады.
Контент жасау, түсіру саған ұнайды ғой? Өзіңді еркін сезінсең, ол маған да ұнайды. Сондықтан оқуыңды, дамуыңды тоқтатпа. Ол біздің қарым-қатынасымызға да әсер етеді. Негатив жазатын адамдарға мән берме", - деп мәлімдеді Заңғар.