Анасынан айырылған Арман Дәулетияров қажылыққа аттанды
Белгілі продюсер және медиаменеджер Арман Дәулетияров анасынан айырылған соң, Меккеге қажылыққа аттанды, деп хабарлайды Stan.kz ақпарат агенттігі.
Дәулетияров қиын сәтте қазақстандықтардан он мыңдаған хат алғанын айтып, өзін қолдағандарға алғыс білдірді.
"Мен қазір қасиетті Меккедемін. Анам үшін бұдан артық ештеңе ойлап таба алмадым. Мұнда отбасыммен, үлкен балаларыммен бірге келдім. Қолдау көрсеткендеріңіз үшін баршаңызға алғыс білдіргім келеді. Он мыңдаған хат алдым. Бұл мен үшін де, отбасым үшін де маңызды болып шықты.
Не айта аламын? Анаңнан айырылу өте қиын. Бірақ бәріміз ертелі-кеш келген жағымызға қайта кетеміз, Жаратушымызға ораламыз.
Қайырымды іс жасаңыздар, сеніңіздер. Сенім деген – өміріңе дұрыс бағыт беретін, жол сілтейтін күш", - деді Дәулетияров.
13 жыл бұрын үздік атанған алты шенеуніктің бесеуі сотталып кетті: Бұған не әсер етті
Тізімнің алғашқы төрттігіне Қуандық Бишімбаев, Самат Әбіш, Марат Бекетаев пен Дәулет Ерғожин енген
"Күйсандық", "қылтима", "үнқағаз": Тоқаев күмән келтірген қазақша аудармалар қаншалықты сәтті
Мамандар қазақ тіліндегі барлық кірме сөзге міндетті түрде балама табу қажет деген пікірмен келіспейді