Bank RBK EMBRAS 2026 халықаралық сыйлығының үздіктері қатарына енді

Bank RBK тоғызыншы халықаралық Employer Brand Award (EMBRAS 2026) сыйлығының лауреаты атанып, "Жетістік мәдениеті: ішкі мәдени код" номинациясы бойынша марапатқа ие болды. Қазылар алқасы банктің ортақ құндылықтар ұжымды біріктіріп, бірлескен мақсаттарға жетуге көмектесетін корпоративтік мәдениетті дамыту тәсілін жоғары бағалады.

EMBRAS – жұмыс беруші брендін дамыту саласындағы халықаралық кәсіби алаң. Ол компанияларды, HR сарапшыларын, таланттарды басқару және коммуникация мамандарын біріктіреді. 2026 жылы сыйлыққа Орталық Азия, ТМД және Еуропаның бес елінен 80 жоба ұсынылды. Оларды 25 елдің атынан қатысқан 29 сарапшыдан құрылған халықаралық қазылар алқасы бағалады.

Bank RBK үшін ұжымдық мәдениет тек қағидалар мен дәстүрлер жиынтығы емес. Ол ұжымның күнделікті жұмысынан көрінеді: қызметкерлер жауапкершілікті өз мойнына алады, әріптестеріне қолдау көрсетеді, жаңа шешімдер ұсынып, күрделі міндеттерді бірлесе шешеді. Осындай күнделікті әрекеттерден қызметкерлер өз әлеуетін ашып, ортақ істің бір бөлігі екенін сезінетін атмосфера қалыптастырады.

Бұл ретте ішкі коммуникация маңызды рөл атқарады. Ол қызметкерлерді ортақ мақсат төңірегіне біріктіруге, өзара диалогты қолдауға және банк құндылықтарын күнделікті жұмыстың ажырамас бөлігіне айналдыруға көмектеседі.

"Берік ұжымдық мәдениет адамдардан басталады. Ең дұрыс құндылықтарды қалыптастыра беруге болады, бірақ қызметкерлер осы құндылықтарды қабылдап, өз жұмысында пайдаланған кезде ғана шынайы мәнге ие болады. Bank RBK-да әр адамның біздің не үшін жұмыс істейтінімізді түсінуі, ортақ нәтижеге өз үлесін қосатынын сезінуі және өзінің дамуына қатысты мүмкіндікті көре білуі біз үшін маңызды. Компанияның қаншалықты алысқа бара алатынын оның командасы айқындайды деп сенемін. Адамдарды ортақ қағидалар, өзара құрмет және жақсы нәтижелерге қол жеткізуге деген ұмтылыс біріктірген кезде корпоративтік мәдениет бизнестің нақты қозғаушы күшіне айналады", – деді Bank RBK басқарма төрағасы Наталья Акентьева.

Айта кетейік, 2026 жылы EMBRAS ұйымдастырушылары сыйлықтың үш бағытын кеңейтіп, олардың қатарына "Жетістік мәдениеті" номинациясын да қосты. Бұл HR саласындағы өзгерістерді көрсетеді: бүгінде корпоративтік мәдениет көшбасшылықпен, қызметкерлердің жұмысқа тартылу деңгейімен және компанияның ұзақ мерзімді нәтижелерімен тығыз байланысты қарастырылады.

Bank RBK үшін корпоративтік мәдениет – жұмыстың жеке бағыты емес, дамудың ортақ жолының бір бөлігі. Өйткені әрбір бизнес нәтижесінің артында адамдардың еңбегі, идеялары, күш-жігері және біртұтас команда ретінде әрекет ету қабілеті тұр.

Қаржы нарығын реттеу және дамыту агенттігі берген 2026 жылғы 15 шілдедегі №1.1.821.135 лицензиясы