"AZ-дің әндерін, сөздерін сенің миың көтере алмайды": Ерке Есмахан өзін ренжіткен оқырманға жауап берді
Ерке Есмахан өзін ренжіткен оқырманына жауап берді. Әнші бір үйдің отағасы деп отырған азаматтар жекесіне небір лас сөздер жазып, көңіліне тиетінін айтады. Бұндай сырт көзге ғана әдемі көрінетіндерді ер азамат атына лайық емес деп санайды.
"Кейде дайректімді ашып қалсам таңғалам. Мархабат әдемі отбасының отағасы, "нағыз еркек" екен. Ал маған хаттарын қараңыздаршы. Сөздері еркектікке жатады ма? AZ-ге де тиісіп қояды. Қасиеті жоқ дейді. Оның әндерін, сөздерін сенің миың көтере алмайды. Тыңдама. Еркекпін деп көкірек ұрмаңдаршы. Осылай шеттен шыққандарды салып тұрамын. Кәдімгідей өкпелеймін. Ешкімді тәрбиелегім келмейді. Бар болғаны адам бір нәрсе жазар алдында ойланса екен", – деп жазды Ерке.
Желі қолданушылары әншінің сөзін қостай жөнелді.
“Қазір ер азаматтар ұсақтанып кеткен. Қыздармен бірдей таласады”, “Кім екенін ашық жазсаңызшы”, “Кімде кімнің жұмысы бар? Неге біреудің өміріне қызығады?”, “Сіздер жақсы жарасасыздар”, “Оның сізден кіші екенін рас қой, сіз үлкен көрінесіз”, “Біреудің сөзіне ренжудің не керегі бар, қанша адам сонша сөз бар”, – деп жазды олар.
- AZ маған әлі ұсыныс жасаған жоқ: Ерке Есмахан жеке өмірі туралы
- "Ақылдарыңыз өздеріңізге": Ерке Есмахан жеке өмірін сынайтындарға жауап берді