Әйелінің жұмысына қатысты әңгімесін тыңдаған ер адам миллионер атанды
Техас тұрғыны әйелінің жұмыс қоңырауларын тыңдау арқылы биржада заңсыз 1,76 миллион доллар табыс тапқан. Бұл туралы Stan.kz ақпарат агенттігі Business Insider басылымына сілтеме жасап хабарлайды.
Фото: m.bk55.ru
Тайлер Лоудон 2023 жылдың ақпанында BP мұнай-газ компаниясын 1,3 миллиард долларға сатып алар алдында TravelCenters of America-ның мыңдаған акцияларын сатып алғанын мойындады.
Бағалы қағаздар және биржалар жөніндегі комиссияның хабарлауынша, Лоудонның әйелі BP-де сатып алу және біріктіру менеджері қызметін атқарған. Ерлі-зайыпты үйден жұмыс істеп, бір-бірінің жұмыс әңгімелерін тыңдаған.
Алдағы мәміле туралы білгеннен кейін, Лоудон TravelCenters of America акцияларының 45 000-нан астам акциясын сатып алып, оларды сатып алу жарияланғаннан кейін сатқан.
Кейінірек ер адам BP-тің ішкі тергеуі туралы біліп, әйеліне істі өзі жасағанын мойындаған.
Басылымның мәліметінше, әйел жұмыстан шығарылып, күйеуімен ажырасқан. Лоудонға айыппұл салынды. Ол компанияларда белгілі бір лауазымдарды атқару құқығынан айырылды.
Айта кетейік, бұған дейін Ұлттық банк бірыңғай жинақтаушы зейнетақы қорының зейнетақы активтері есебінен Air Astana әуекомпаниясының акцияларын 24,9 млрд теңгеге сатып алғаны туралы жазған едік.