"Аяз болып, жаңбыр жауады": Қазақстан қалаларына арналған ауа-райы болжамы жарияланды
Қазгидромет 24 қыркүйекке Қазақстан аумағындағы синоптикалық жағдай мен қауіпті ауа райы құбылыстары туралы болжамын жариялады. Бұл туралы Stan.kz ақпарат агенттігі хабарлайды.
"Антициклонның әсерінен ҚР көп бөлігінде жауын-шашынсыз ауа райы болады. Тек елдің шығысы мен оңтүстік-шығысында ауа – райының тұрақсыз сипаты сақталады: жаңбыр, таулы аймақтарда жауын-шашын, кейде қатты жауын-шашын (жаңбыр, қар) күтіледі. Республика бойынша екпінді жел болып, түнде және таңертең тұман түсуі мүмкін", – деді синоптиктер.
Шығыс Қазақстан облысының солтүстігінде, шығысында, Абай облысының батысында, Қарағанды облысының шығысында түнде 1-3 градус аяз күтіледі, Ақмола облысының батысында, солтүстігінде, шығысында, Қостанайдың солтүстігінде, батысында Солтүстік Қазақстан облысында, Павлодар облысының солтүстігінде, оңтүстігінде түнде топырақ бетінде 1-2 градус үсік түседі деп болжануда.
Қызылорда облысының орталығында, шығысында және оңтүстігінде өте жоғары өрт қаупі сақталады.
Жамбыл облысында, Қарағанды облысының оңтүстігінде, Ұлытау облысында, Түркістан облысының шөлді аудандарында өрт қаупі жоғары.
Екі күнде үш рет төтенше жағдайда қонды: Авиация сарапшысы қыс мезгілінде ұшудың қаншалық қауіпті екенін айтты
