Атышулы Байзақова бейтаныс адамдарға ауызашар бермек
Биыл алғаш рет ораза ұстап, тура жолға бет бұрған Айжан Байзақова бейтаныс адамдарға ауызашар бермек. Ол желідегі оқырмандарының арасынан 10 адамды таңдап, оларға дастархан жаймақ, деп хабарлайды Stan.kz ақпарат агенттігі.
"Өзімнің жақындарым мен достарыма бірнеше рет ауызашар бердім, бұл жолы сіздерге арнап жасағым келеді", – деп бөлісті блогер.
Байзақова биыл алғаш рет ораза ұстағанын, осы орайда қатты өзгергенін айтқан еді. Блогер рухани өзгерістері турасында оқырмандарымен әңгімелескісі келеді. Тегін ауызашарға қатысқысы келетін жандар көп болғандықтан, Айжан меймандарының тізімін өзі таңдамақ. Ол үшін Айжанмен ауызашарға барғысы келген адам блогердің парақшасында өзі жайлы мәліметтер қалдыруы керек.
"Ешқандай қатаң талап жоқ. Хикаясы қызықтырған оқырмандарды таңдаймын. Кездескенше, бұзықтар", – дейді Байзақова.
Талқылау
Пікір