Аулада ашық киім киюге қатысты дау: Қазақстандағы аптап ыстық көршілер арасында кикілжіңдерге себеп болды

Қазақстандағы аптап ыстық көршілер арасындағы күтпеген кикілжіңдерге себеп болды. Астаналық әйелдер әлеуметтік желілерде тұрғын үй ауласында ашық киім кигені үшін ескерту алғандарына шағымданды. Бұл туралы Stan.kz ақпарат агенттігі “Информбюро” бағдарламасына сілтеме жасап хабарлайды. 

Желіде жазба жариялаған әйелдердің бірі төгу үшін жазғы топ киіп шыққанын, тұрғын үй кешенінің менеджері учаскелік полицияға жүгінетінін айтып, қоқан-лоқы жасағанын айтады. Осыған ұқсас жағдайлар туралы ондаған қазақстандық әйел өз оқиғаларын бөліскен.

"Жай ғана мән бермеу керек. Көпшілікті көбірек алаңдататыны өзін “ТҮК менеджері” деп таныстырған адамның әрекеті. Оған дресс-кодты реттеуге кім құқық берді? Керісінше, оның өзінің үстінен өз бетінше әрекет еткені үшін шағым жазу керек", "Бұл қандай сандырақ. Қазақстан әрқашан зайырлы ел болды. Ашық киім киюге тыйым салатын заң ешқашан болған жоқ және алдағы уақытта да болмайды деп үміттенемін!", "Дұрыс. Жабық киіну керек. Біздің ерлерімізді азғыруға болмайды. Біз мұсылманбыз", – делінген желідегі пікірлерде. 

Зеңгерлердің айтуынша, заңда тұрғын үй кешендерінің тұрғындары үшін киім кию үлгісін бекітетін норма жоқ, ал полицияға тек қоғамдық тәртіп нақты бұзылған жағдайда ғана жүгінуге болады.

Оқыңыз

Алматыда тұрғын үй аумағында іш киіммен, қолында пышаққа ұқсас зат ұстап жүрген ер адам жұртты шошытты Оқыңыз

Тыйымдар тек заңда көзделген жекелеген жағдайларға қатысты, мәселен, бетті толық жауып тұратын киім киюге, сондай-ақ қоғамдық орындарда жалаңаш күйде жүруге тыйым салынады.

"Заң бойынша дресс-кодқа қатысты ешқандай шектеу жоқ. Егер адам киіммен жүрсе, оған қандай да бір кінә тағу заңсыз. Полиция да бұл жерде әкімшілік кодекстің басқа баптарын қолдана алмайды. Адам жәй ғана: “Құрметті достар! Мен қоғамдық тәртіпті бұзған жоқпын, менің өзім тағдаған киіммен жүруім – жеке құқығым” деп айтуы қажет", – дейді адвокат Евгений Яворский. 

Еске салсақ, бұған дейін Қазақстанда бет-жүзін толық жапқан киім кигені үшін 1600-ден аса адам жауапқа тартылғаны туралы жазған едік.