Атасынан жүкті болған 11 жасар қыз баласын өмірге әкелуге шешім қабылдады
Боливияның шағын қаласында 11 жасар қызды өгей атасы зорлады. Жүкті болып қалған қыз алғашында түсік жасатпақ болған, кейін баланы өмірге әкелуді жөн көрді.
11 жасар қыз бен оның 15 жасар әпкесі өткен ақпан айында ата-анасы жұмысқа кеткен уақытта атасының үйіне қонып жүрген. 11 жастағы қызды атасы зорланғанын жәбірленушінің әпкесі біліп, полицияға арызданған.
Бірақ кейін отбасында жәбірленушілер басқа шешім қабылдады - енді олар баланы қалдыруды жоспарлап отыр. Боливия заңына сәйкес, олардың бұған құқығы бар.
Жергілікті Әйелдер үйінің басшысы қыздың ана болғысы келмейтін айтып, оны құрбанға айналады деп есептейді. Ол бұл оқиғаны қылмыс деп атайды және қызға жүктілікті тоқтату үшін дәрі-дәрмектің алғашқы дозасы берілгенін атап өтті. Жергілікті дәрігерлер мен сот жүйесі онымен келісіп отыр.
Католик шіркеуінің ықпалы отбасының шешімін өзгертті деген күдік бар. Шіркеу елдегі түсік жасатуға қарсы қозғалысты белсенді түрде қолдайды.
2020 жылы Боливияда 40 мың кәмелетке толмаған қыз жүкті болды, бұл күніне 109 жағдай. Боливияда сексуалдық зорлық-зомбылық жағдайында түсік жасату 1970 жылдан бері заңды, бірақ 2014 жылға дейін арнайы сот шешімі қажет болды.