Жақсы нәтижеге қол жеткізу үшін тексеріс өткізілетін күндері жылу жүйесінің контурына «Уранин-А» маркалы жасыл түске боялған су жіберіледі, деп хабарлайды Елорда инфо.

Жылумен қамтамасыз ету жүйесіне тексеріс жүргізу туралы «Астана-Теплотранзит» АҚ басқарма төрағасының бірінші орынбасары Сергей Голев айтты.

«Жақсы нәтижеге қол жеткізу үшін тексеріс күндері жылу желілері контурына адам организміне зиянсыз болып табылатын «Уранин-А» маркалы жасыл түске боялған су жіберіледі. Ол жылу трассаларындағы жылу таратудағы ақауларды, жұмыс істемейтін сужылытқыш нысандарын анықтап, оларды қалпына келтіру үшін қажетті шараларды дер кезінде қабылдауға мүмкіндік береді», – деді Голев.

Оның айтуынша , «Уранин-А» жылумен қамтамасыз ету жүйесінде пайдалануға және ақаудың индикеторын бояуға рұқсат етілген. Сынама жүргізу Астана қаласының тұтынушылар құқығын қорғау департаментімен келісілді.

Бояғышты пайдалану суқұбыры арқылы келетін судың сапасына әсер етпейді. Алайда ол үйдегі суды жылытудың ақауы барын білдіреді және техникалық су жылыту жүйесінен тұрмыстық қажетілік үшін ыстық суға түседі.

«Егер ыстық судың кранынан жасыл түсті су аққанын көрсеңіз, басқарушы компанияға (ПИК), қызмет көрсететін ұйым мен 109 байланыс орталығына немесе 8(7172)77-12-00, 8(7172)39-69-08, 8(7172)79-88-97, 8(7172)77-12-92. нөмірлері бойынша «Астана-Теплотранзит» АҚ-ның диспетчерлік орталығына хабарласу керек. Қызмет көрсететін ұйым мен бірінші кезекте ПИК-тер су жылыту құралын сөндіру мен жөндеуге қажетті шараларды қабылдауы керек», – деді «Астана-Теплотранзит» АҚ басқарма төрағасының бірінші орынбасары.

Оқи отырыңыз:

Қарағанды тұрғындары 17 млн теңгеге демалысқа жолдама аламыз деп алданып қалған

Қытайда сәби ата-анасы қайтыс болған соң 4 жылдан кейін өмірге келді

Қоңыр көзді модель көзінің түсін өзгертем деп жанарынан айырылды

Талқылау