"Бұзақы менің орындығымның артында отырды. Бір кезде мен орындыққа қатты соққы тигенін сезіндім. Сосын бортсерік қыз бен бұзақының айқайы естілді. Мен қорқып орнымнан атып тұрдым. Бортсерікті алып кетті", – дейді Азамат Ерғалиев.

Ұшақта апаттық есікті ашып жіберген қазақстандық FlyArystan-ға 10 миллион теңге айыппұл төлейді
Air Astana мен FlyArystan рейстері ең көп кешігетін әуе компания атанды

Бұдан кейін де ер адам өзін жөнсіз ұстауын жалғастырып, басқа жолаушыларға, соның ішінде жазба авторына да тиісе бастаған.

Полицейлер келгеннен кейін ұшақтағы барлық жолаушы ұшақтан түсіріліп, рейс кейінге қалдырылған. Әуе компаниясы әзірге бұл оқиғаға қатысты ресми мәлімдеме жасаған жоқ.

Полиция Астана-Өскемен рейсінің 47 жастағы жолаушысының ұсталғанын хабарлады.

Көлік департаментінің мәліметінше, ер адамның әрекеті қоғамдық қауіпсіздікке қауіп төндірді.

"Ол мас күйінде бортсеріктің ішінен ұрып, ұшақтан шығып бара жатқанда "бомба" деп айқайлап, жолаушылар мен экипаж арасында дүрбелең тудырды", – делінген көлік басқармасының хабарламасында.

Полиция бұзақылық және терроризм актісі туралы көрінеу жалған хабарлама жасау баптары бойынша қылмыстық іс қозғады.

Ұшақ тексеріліп, жарылғыш құрылғылар немесе басқа да тыйым салынған заттар табылмады.

Еске салсақ, бұған дейін ұшаққа кешігіп келген FlyArystan жолаушылары Алматы әуежайында бүлік шығарғаны туралы жазған едік.

Талқылау