Әсел Сәдуақасова өзінен жеті жас кіші жігітін көпшілікке таныстырды

Өнерден алыстап, психлогияға бет бұрған Әсел Сәдуақасова көпшіліктен жасырған құпиясымен бөлісіп, сүйіктісін көрсетті деп хабарлайды Stan.kz ақпарат агенттігі.  

©instagram.com/asselsadvakassova

Актриса әлеуметтік желідегі парақшасында өзінен жеті жас кіші жігітінің суреттерін жариялады.

“Жаны егіз адамдар кездесті. Танысып қойыңыздар, менің сүйіктім – Мағжан. Мен оның жанында әйел боп құлпырдым, оның қасында болсам, жаным жай табады, ешқандай жайсыздық жоқ, тек күліп қойып, бір-бірімізге сыр ақтарамыз. Ол мені қамқорлық пен махаббатқа бөледі. Рахмет саған, сүйіктім. Мен сондай бақыттымын. Мендегі бақыт пен махаббатты бүкіл әлемге сыйлағым келеді”, – деп сезімін білдірді Әсел Сәдуақасова.

Бұған дейін Әсел Сәдуақасованың өзінен жеті жас кіші Мағжан Тілеухан есімді жігітпен көңіл қосқаны туралы жазған болатынбыз.