“Сіз – көзі тірі аңызсыз”: Димаш Селин Дионның сахнаға оралуымен құттықтады

Қазақстанның халық әртісі Димаш Құдайберген алты жылдан кейін үлкен сахнаға оралған әйгілі канадалық әнші Селин Дионға арнайы бейнеүндеу жолдады. Бұл туралы Stan.kz ақпарат агенттігі хабарлайды.

Селин Дион 12 қыркүйекте Париж іргесіндегі Нантер қаласында орналасқан Plénitude Arena-да жеке концертін өткізді. Әншінің көптен күткен өнер кешін 30 мыңға жуық көрермен тамашалады. Бұл – оның кейінгі алты жылдағы алғашқы толыққанды концерті. 

Оқыңыз

Кейуананың қолынан сүйіп, құрмет көрсеткен Димаш Құдайберген көпшіліктті сүйсінтті Оқыңыз

Димаш Құдайберген әлеуметтік желіде жариялаған бейнежазбасында Селин Дионның шығармашылығы өзіне де ерекше ықпал еткенін айтып, әншінің сахнаға қайта оралуымен құттықтады.

"Сізді сахна төрінен қайта көргеніме, бұрынғыдай ғажап даусыңызды естігеніме шын жүректен қуаныштымын. Музыка әлеміне сыйлаған бар байлығыңыз үшін алғыс айтқым келеді. Сіздің үніңіз бен әндеріңіз жер жүзіндегі миллиондаған адамға, соның ішінде маған да қанат бітірді. Өзіңізді де даусыңыздай керемет сезініп жүрсіз деп үміттенемін. Сіз – көзі тірі аңызсыз. Біз сізді қатты құрметтейміз әрі жақсы көреміз. Алла сізге ұзақ ғұмыр мен баянды бақыт нәсіп етсін", – деді Димаш Құдайберген.

Сондай-ақ қазақстандық әнші әлеуметтік желідегі жазбасында:

"Ұлы дауыс миллиондаған жүректі тербейді. Ал ұлы өнерпаз тұтас бір буынға рух береді. Қымбатты Селин, осы екі қасиетті де бойыңа тоғыстырғаның үшін рақмет", – деп жазды. 

Димаштың ықыласқа толы сөзі тыңдармандарын тебірентті. Желі қолданушылары екі әлемдік деңгейдегі әншінің бір сахнада ән шырқауын көптен күтіп жүргенін жарыса жазды. Көпшілік Димаштың Селин Дионмен дуэт орындасам деген арманы бір күні орындалады деген үмітін білдірді.

Селин Дионға 2022 жылы адамның бұлшық етін құрыстырып, қозғалысы мен ән айтуына кедергі келтіретін сирек неврологиялық дерт – сіресу синдромы анықталған еді. Соған байланысты әнші ұзақ уақыт сахнадан қол үзуге мәжбүр болды. Париждегі концерт оның сырқатпен күрескен бірнеше жылдан кейінгі үлкен өнерге қайта басқан айтулы қадамына айналды. The Guardian⁠

Париждегі алғашқы кеште Селин Дион 25 әнді жанды дауыста орындады. Алдағы уақытта ол осы концерттік бағдарлама аясында тағы бірнеше мәрте сахнаға шығады.