Аллерголог-иммунолог маман қызу көтерілгенде көпшіліктің жиі жіберетін қателігі туралы айтты. Бұл туралы Stan.kz ақпарат агенттігі aif.ru порталына сілтеме жасап хабарлайды. 

Фото: pixabay.com

Иммунолог Евгения Паршина адамдардың қызу көтерілгенде жиі жіберетін қатерліктері туралы айтты. 

Дәрігер ыстығы көтерілген науқастың денесін арақпен немесе сірке суымен сылауға болмайтынын айтады. 

“Халық емі болып кеткен бұл тәсілді қолдану қауіпті, әсіресе балалар үшін. Егер сірке суын дұрыс сұйылтпаса тері мен шырышты қабық күйіп қалуы мүмкін. Тіпті, науқастың жүрегі айнып, құсып, басы айналып ағза кері реакция беруі де ғажап емес. Алкоголь тері арқылы қанға сіңіп, организмге зардабын тигізеді”, – дейді иммунолог Евгения Паршина. 

• Дәрігер баланың ыстығы көтерілгенде ата-ананың жиі жіберетін қателіктері туралы айтты

• Кімге моншаға түсуге болмайды – Мамандар ыстық моншаның пайдасы мен зияны туралы айтты

• Сүт безі қатерлі ісігі кімде жиі кездеседі – Маман әлемде жиі таралған аурудың белгілері мен себептері жайлы айтты

Маманның айтуынша, науқастың қызуы 38,0° градустан төмен болса оған дәрі беріп, температураны басуға тырысудың қажеті жоқ. Иммунитетке аурумен күресуге мүмкідік беру керек. Сондай-ақ науқас қызуы жоғары бола тұра өзін жақсы сезінсе, дәрі-дәрмек беруге асықпаған жөн. Ал егер бойында әлсіздік болып, қатты ауырсынса дер кезінде ыстықты басу үшін әрекет еткен дұрыс. 

Температураны 36,0° градусқа дейін түсіремін деп қызуды басатын дәріні де артық мөлшерде қабылдау қауіпті. 

“Ондай дәрілерді қолжетімділігіне қарамастан дәрігердің нұсқаулығымен ішу керек. Ибупрофен, парацетамол сияқты дәрілерді көбі өз бетінше қабылдай беретіні жасырын емес. Алайда олардың жанама әсерлері болуы мүмкін екенін ескерген жөн”, – дейді дәрігер.