АҚШ 60 елге қосымша баж салығын енгізді: Тізімде Қазақстан да бар

Америка Құрама Штаттары 60 экономикадан (тек жеке елдер үшін емес, Гонконг сияқты автономиялық аймақтар және Еуропалық Одақ сияқты саяси құрылымдар үшін) шыққан тауарларға импорттық тариф мөлшерлемесін 12,5% деңгейінде белгілеу туралы шешім қабылдады. Оның ішінде Қазақстан да бар. Бұл туралы Stan.kz ақпарат агенттігі хабарлайды.

Жаңа тариф 24 шілдеде күшіне енеді. Тиісті құжат АҚШ үкіметінің құжаттар жинағы болып саналатын федералдық тізілімде жарияланды. Транзиттегі тауарларға өтпелі кезең қарастырылған, оларға 28 шілдеден бастап қолданылады.

АҚШ сауда өкілінің кеңсесі бұл шаралар президент Дональд Трамптың бұйрығымен 1974 жылғы Сауда туралы заңның 301-бабына сәйкес жүзеге асырылып жатқанын түсіндірді. Олар мәжбүрлі еңбекті пайдалану арқылы өндірілген тауарларды импорттауға тыйым салмаған 60 ел пен аумаққа әсер етеді.

Оқыңыз

Трамп импортқа салынатын жаһандық баж салығын 15 пайызға дейін көтерді Оқыңыз

АҚШ билігінің мәліметтері бойынша, 54 экономика "мәжбүрлі еңбек арқылы өндірілген тауарларды импорттауға тыйым салуды енгізе алмады". Тізімдегілер: Қазақстан, Алжир, Ангола, Аргентина, Аустралия, Багам аралдары, Бахрейн, Бангладеш, Бразилия, Ұлыбритания, Камбоджа, Чили, Қытай Халық Республикасы, Колумбия, Коста-Рика, Доминикан Республикасы, Мысыр, Сальвадор, Гватемала, Гайана, Гондурас, Гонконг (Қытай), Үндістан, Ирак, Израиль, Жапония, Иордания, Кувейт, Ливия, Малайзия, Марокко, Жаңа Зеландия, Никарагуа, Нигерия, Норвегия, Оман, Перу, Филиппиндер, Катар, Ресей, Сауд Арабиясы, Сингапур, Оңтүстік Африка Республикасы, Оңтүстік Корея, Шри-Ланка, Швейцария, Тайвань, Таиланд, Тринидад және Тобаго, Түркия, Біріккен Араб Әмірліктері, Уругвай, Венесуэла және Вьетнам.

Тағы алты экономика "мәжбүрлі еңбек арқылы өндірілген тауарларды импорттауға тыйым салуды тиімді түрде орындай алмады": Канада, Эквадор, Еуропалық Одақ, Индонезия, Мексика және Пәкістан.

Бұған дейін АҚШ 60 елге қосымша баж салығын енгізетіні айтылған еді.