Ақмола облысында жолға қара сұйықтық жағып жатқан видео талқыға түсті
Ақмола облысы Красный Яр ауылында жолға қара сұйықтық жағып жатқан видео желіде қызу талқыға түсті. Автор жұмысшылар "асфальтты бояды" деп дабыл қаққан. Бұл туралы Stan.kz ақпарат агенттігі 31-арнаның “Информбюро” жаңалықтар бағдарламасына сілтеме жасап хабарлайды.
Красный Яр ауылында жолға қара сұйықтық жаққан видео көптің шамына тиді. Көпшілік мұны көзбояшылық деп атап, облыс әкімінің келуіне дайындық деп топшылаған. Алайда шенеуніктер жалған ақпарат тарады деп отыр. Айтуларынша, асфальт боялған жоқ.
ОқыңызЗертханалық тексеріс кезінде жол жабындысының тығыздығы талапқа сай болмай шыққанын айтады. Сондықтан мердігер компания өз қаражатына асфальттың бетін арнайы материалмен тегістеген. Яғни, бұл – ақауды жоюдың технологиялық тәсілі екен. Әрі жұмыс толық қабылданбайынша, мердігерге бюджеттен ақша төленбейді.
“Кері сынамалары тығыздығы бойынша нормативтік талаптарға сай келмей, мердігер ұйыммен өз қаражатына "Силкот" қоспасын қолдануға шешім қабылданды. Силкот қоспасы герметизациялап асфальт жабынын қорғауыш қабатын қалыптастырады”, – деді Красный Яр ауылдық округі әкімінің орынбасары Арман Есімбек.
Әкімдіктің мәлімдеуінше,кері сынамалар қайта алынып, оң нәтиже шыққаннан кейін ғана жұмыс қабылданады.
Алматыдағы танымал демалыс орнында адамдар нәжіс аралас бассейнге түскен: Мұның денсаулыққа қандай қаупі бар?
Желі қолданушысы мұндай жағдайда бассейн жұмысын уақытша тоқтатып, санитарлық өңдеу жүргізілуі керек деп есептейтінін жеткізді
Әйелін электр сымымен қылқындырып өлтірмек болған қазақстандық жеңіл жазамен құтылды
Сот: "Жәбірленушінің мойнындағы сырылған жарақаттар денсаулыққа зиян келтіруге әкеп соқпаған дене жарақаттары ретінде бағаланды"