Көлемі жұмыртқамен бірдей: Өскеменде бұршақ жауып, қатты желден ағаштар құлады (видео)
Өскеменде көлемі тауық жұмыртқасындай алып бұршақ жауып, елді әбігерге салды. Бұл туралы Stan.kz ақпарат агенттігі хабарлайды.
Өскемен әкімі Алмат Ақышов Instagram парақшасында қолайсыз ауа райына байланысты, екпіні секундына 25 метрге дейін жеткен қатты жел, жаңбыр, найзағай және бұршақ салдарынан қалада шамамен 15 ағаш құлағанын хабарлады.
Сондай-ақ қала бойынша 25 мың тұрғын электр жарығынсыз қалған.
"Барлық мәселе жеке бақылауымда. Қазір барлық жедел бригадалар жұмыс істеп жатыр. Барлық ақаулар мүмкіндігінше қысқа мерзімде жойылып, электр қуаты қайта беріледі. Сондай-ақ жол өткелдері мен көшелерді құлаған ағаштардан толық тазартамыз", – деді қала әкімі.
Әкім қалада қолайсыз ауа райының салдарын жою жұмыстарының қалай жүргізіліп жатқанын көрсетті.
Сондай-ақ әлеуметтік желілерде тұрғындар түсірген фотолар мен видеолар жариялана бастады. Кадрлардан дауылды желдің әсерінен ағаштардың қатты иіліп, құлағалы тұрғанын көруге болады.
Тұрғындарды көлемі тауық жұмыртқасындай бұршақ таңғалдырды.
Еске салсақ, бұған дейін Ақтөбе облысында бұршақ жауып, үйлер мен көліктерге зақым келтіргені туралы жазған едік.
Алматыдағы танымал демалыс орнында адамдар нәжіс аралас бассейнге түскен: Мұның денсаулыққа қандай қаупі бар?
Желі қолданушысы мұндай жағдайда бассейн жұмысын уақытша тоқтатып, санитарлық өңдеу жүргізілуі керек деп есептейтінін жеткізді
Әйелін электр сымымен қылқындырып өлтірмек болған қазақстандық жеңіл жазамен құтылды
Сот: "Жәбірленушінің мойнындағы сырылған жарақаттар денсаулыққа зиян келтіруге әкеп соқпаған дене жарақаттары ретінде бағаланды"