Әнші Айридің "Музарт Life" серісімен кездесіп жүргені белгілі болды
Әнші Айридің жеке өміріне қатысты құпия ашылды. Өнер иесінің кіммен кездесіп жүргені белгілі болды. Бұған дейін берген сұхбатында Айри болашақ жарының өнер адамы екенін айтқан еді, деп хабарлайды Stan.kz ақпарат агенттігі.
Айриді енді "Музарт" тобының келіні деуге болатын шығар. Себебі оның кездесіп жүрген жігіті "Музарт life" тобының әншісі Серікболсын Кішкенбаев болып шықты.
Қос әншінің қарым-қатынасы Серікболсынның туған күн кешінде жария болды. Айри мен Серікболсын елдің алдына бірге шықты. Ал олардың жақын достары келесі кезекте екеуінің тойында кездесуге тілек білдірді.
Бұған дейін Тимур Балымбетовке берген сұхбатында Айри сүйіктісінің өнер адамы екенін айтқан еді. Алайда ол кезде әнші жігіттің есімін атаудан бас тартқан.
Талқылау