Алматыда “Дизи” сусынын қолдан жасап сатқан алаяқ ұсталды

Алматының Шаңырақ ықшам ауданында заңсыз жолмен бизнесін дөңгелетіп келген елу жастағы ер адам ұсталды. Ол көпшілік тұтынатын «Диззи» энергетикалық сусынын өзі қолдан жасап сатып отырған. Сол себепті жасанды Диззиді нарықтағыдан әлдеқайда арзанға бағалаған.

Бұл туралы 31 арна хабарлады.

Бұл азамат жасырын цехта суға лимон қышқылы мен түрлі түс беретін қоспаларды араластырып,1 бөтелке лимонадтан 3 бөтелке энергетикалық сусын шығарып отырған. Тіпті, жасанды сусындарын Алматы облысында арнайы дүкендерге өткізген көрінеді. Тексеру барысында, өндіріс орнынан «Dizzy» бос бөтелкелері, «Алтын кілт» сусындарының бос ыдыстары қораптар мен орауға арналған полиэтилен рулондар тәркіленді.

Жіберіп алмаңыз:

Мағжан Жұмабаевтың құпияланған қолжазбасы Астанадағы көрмеге қойылады

Алматы зообағының есепшісі 32 миллион теңгені жымқырғаны үшін тұтқындалды

Мемлекеттік бағдарлама бойынша үй алу үшін жалақы қанша болуы қажет?

Елімізде полицейлерге қызметтік көлігінің терезесін тұмшалауға тыйым салынды