Алматыда "үнді" штаммының табылуына орай қалалықтардың қайта вакцина салғызуы керек пе
Алматыда коронавирустың "үнді" штаммы анықталды. Осыған байланысты қалалықтар қайта вакцинациядан өтуі керек пе деген сұраққа Алматының бас санитар дәрігері Жандарбек Бекшин жауап берді, деп хабарлайды Stan.kz ақпарат агенттігі.
"Қайта вакцинациядан өткізу мәселесі көтерілген жоқ. Өйткені "Спутник V" вакцинасы барлық белгілі мутацияланған штаммдарды инфекциядан қорғайды. Бұл туралы вакцина әзірлеушілердің ресми мәлімдесі бар. Сонымен қатар QazVac вакцинасы үнді штаммына төтеп бере алады", – дейді Бекшин.
Бұған қоса ол Алматыда коронавируспен ауырған 32 науқас қайта ауруға шалдыққан.
"32 адам коронавирусты қайта жұқтырған. "Спутник V" вакцинасының тиімділігі 92% көрсетті. Иммунитеттің қалыптасуы адамның ағзасына байланысты. Бірінде иммунитет бар, енді бірінде әлсіз", – деді қаланың бас санитар дәрігері.
Еске салсақ бұған дейін Жандарбек Бекшин Алматыда коронавирустың "үнді" штаммының табылуына байланысты карантин күшейтіледі ме деген сұраққа жауап берген болатын.
Талқылау
Азық-түлік, газ, темекі қымбаттайды, әскерилер үйді жекешелендіріп ала алады: Қазақстанда 1 шілдеден бастап не өзгереді
1 шілдеден кейін жұмысқа кіретін күштік құрылымдарындағы қызметкерлерге үй мәселесі бойынша жаңа тәртіп енгізілмек
Шерзат ісі бойынша үкім, Израиль-Иран қақтығысы, Үндістандағы ұшақ апаты: Маусым айы несімен есте қалды
Сонымен қатар министрліктердің басшылары ауысқан