Алматыда тау бөктеріндегі коттедж қалашығы сүріледі
Алматыда тау бөктеріндегі коттедж қалашығы сүріледі. Бұл туралы қала әкімінің Бостандық ауданы тұрғындарымен кездесуі барысында белгілі болды деп хабарлайды Stan.kz ақпарат агенттігі.
"Мен Бостандық ауданында орналасқан "Алатау-2" бау-бақша серіктестігінде тұрамын. Бұрынғы өзен арнасының орнына, яғни сайда Baganashil Hills коттедж қалашығының құрылысы басталды. Соның салдарынан кейбір көрші үйлердің қабырғасы жарылып жатыр. Бірнеше жылдан кейін бұл барлығына қиындық тудыруы мүмкін, өйткені ол – өзен арнасы", – деді кездесуге келген аудан тұрғыны.
Тұрғын көтерген мәселе бойынша Қала құрылысын бақылау басқармасының басшысы Бақытжан Наурызбеков сөз алды.
"Бүгінгі күні біз құрылысты бұзу үшін сотқа жүгіндік. Онда 10-ға жуық екі қабатты жеке тұрғын үйдің құрылысы заңсыз басталды. Құрылысқа тыйым салу бойынша талап-арыз дайындалу үстінде", – деді басқарма басшысы.
"Тарифтер өсіп, мобильді аударымдарға бақылау күшейеді": 1 сәуірден бастап Қазақстанда не өзгереді
Сәуір айында болатын өзгерістерге шолу жасадық
Полиция бастығының қызы Олжас Сүлейменовтің немересін қалай қағып өлтірді: Қазақстандағы тағы бір атышулы жол апатын еске түсірейік
Үйленуді жоспарлап жүрген Ескендір Сүлейменов 26 жасында өмірден өтті