Алматыда ірі көлемде электронды темекі сатқан 2 тұрғын сотталды
Қаржы мониторингі агенттігі электронды темекіні ірі мөлшерде сатқандарға қатысты сотқа дейінгі тергеп-тексеруді аяқтады. Бұл туралы Stan.kz ақпарат агенттігі хабарлайды.
Фото: Видеодан скриншот
Алматылық тұрғындар бірнеше ай вейптерді көтерме сатумен айналысқан.
Сондай-ақ Алматы аумағында жедел-іздестіру іс-шараларын жүргізу барысында 55 мыңнан астам электронды темекі табылған және тәркіленген сауда және қойма үй-жайлары анықталды.
Сот үкімімен алматылық екі тұрғын кінәлі деп танылды. Олардың біреуіне 3 450 000 теңгеден астам айыппұл салынды, ал екіншісіне 1 жыл бас бостандығын шектеу және 100 сағат мәжбүрлі еңбек түріндегі жаза тағайындалды.
Талқылау