Алматыда автобус тротуарға шығып кетіп жаяу жүргіншіні қағып өлтірді (видео)
Алматыда Райымбек пен Емцов көшелерінің қиылысында жантүршігерлік жол апаты болып, ер адам қаза тапты. Бұл туралы Stan.kz ақпарат агенттігі хабарлайды.
Фото: Видеодан скрин
Қалалық полиция департаментінің мәліметінше, КамАЗ көлігі "ВАЗ" маркалы автобусты сүйретіп келе жатқан. Кенеттен ілмек үзіліп, автобус жолдан шығып кетіп, жеке үйдің қоршауына соғылып, өтіп бара жатқан адамды қағып кеткен. Ол 35 жастағы ер адам болып шықты. Ол алған жарақаттарынан оқиға орнында көз жұмды.
"Автобус батыс тротуарға шығып кетіп, жаяу жүргіншіні, 1990 жылы туған ер адамды қағып кетті. Өкінішке қарай, соқтығыс салдарынан жаяу жүргінші оқиға орнында көз жұмды", – делінген хабарламада.
Қылмыстық іс қозғалды.
Айта кетейік, бұған дейін Павлодар облысында жантүршігерлік жол апатынан 1 адам көз жұмып, тағы 4 адам жарақат алғаны туралы жазған едік.
"Қазақстандық өнімді сөреге қойғызбайды": Ақтаудан Алматыға бизнесін дамытуға келген кәсіпкер өндірісін жабуды ойлап жүр
Сөзінше, отандық өнімді қолдамай, оның тауарларына арналған сөре берілмейді.
1 миллион 200 мың теңге: Қазақстанның қай өңірінде мұғалімдер көп жалақы алады
Алматы облысында бір мұғалімнің айлық жалақысы 1 миллион 228 мың теңгеге жеткен