Соңғы жаңалықтар
Соңғы жаңалықтар

Алматы облысында карантин күшейтілді

Алматы облысының бас санитарлық дәрігері Ерғали Сыдыманов карантинді сақтау және облыста қосымша шектеу шараларын енгізу туралы жаңа қаулыға қол қойды, деп хабарлайды Stan.kz ақпарат агенттігі.

30 орыннан көп қоғамдық тамақтану объектілерінің жұмысына тыйым салынады (кафе, мейрамхана, асхана, кофехана, донер, бар).

Балабақшалар да кезекші топтарды қоспағанда, жабық күйінде қалады (15 адамнан аспайды).

Көңіл көтеру орындарының (түнгі клубтар, букмекерлік кеңселер, сауда орталығындағы балалар ойын алаңдары), бассейндердің, олардың орналасқан жеріне, кинотеатрларына қарамастан жұмыс істеуге тыйым салынады.

Көшеде бір отбасы мүшелерін қоспағанда үштен артық адамды жүруге тыйым салынады. 65 жастан асқан азаматтардың көшеге шығуы шектелген. Санитарлық талаптарды ескере отырып, жеке кездесуге рұқсат етіледі.

Қоғамдық көліктер сағат 06.00-ден 10.00-ге дейін және 17.00-ден 20.00-ге дейін жұмыс істейді.

Кейбір нысандардың демалыс күндері жұмыс істеуіне шектеу қойылды.

Олар ауданы 2000 шаршы метр және одан көп сауда ойын-сауық орталықтары мен сауда үйлері, тамақтандыру орындары, азық-түлік емес және азық-түлікпен жабылған нарықтар.

Соңғы мәліметтер бойынша, Алматы облысында коронавирустың 5107 жағдайы анықталды.
 

Талқылау