Ақтау маңында құлаған ұшақтың ішінде апатқа дейін және кейін түсірілген видеолар пайда болды
Ақтау маңында құлаған ұшақтың ішінде апатқа дейін және кейін түсірілген видеолар пайда болды. Бұл туралы Stan.kz ақпарат агенттігі хабарлайды.
Видеодан скрин
Ұшақ құлағанға дейін бірнеше минут бұрын түсірілген видео тарап кетті.
112 Telegram-арнасының мәліметінше, жолаушылардың бірі ұшақтың құлап бара жатқанын білген бойда әйеліне видео түсіріп жіберген. Кадрлардан адамдардың дұға етіп жатқанын, оттегі маскаларының түскенін байқауға болады. Сондай-ақ жолаушылардың көмек сұрап, қиналып жылағанын ести аласыз.
Артынша апат болғаннан кейінгі алғашқы секундтарда Embraer салонынан түсірілген кадрлар да тарады.
Видеода ұшақтың ішіндегі жағдай көрсетілген. Видеода жарақат алған жолаушыларды байқауға болады.
Бейнежазбаны тірі қалғандардың бірі түсірген. Ақпаратқа сәйкес видко түсірген жолаушы ұшақтың артқы жағында отырған.
Еске салсақ, Ақтау маңында ұшақ құлағаны туралы хабарлаған едік. Ұшақта 62 жолаушы мен 5 экипаж мүшесі болған.
Апаттың алдын ала себебі оның құстарға соғылуынан екені айтылды. Өкінішке қарай, аман қалғандардың тізімінде қазақстандықтар жоқ.