Денсаулық сақтау министрі болып тағайындалған Ақмарал Әлназарова сенат құрамынан шықты
Парламент сенатының депутаттары Ақмарал Әлназарованың өкілетін мерзімінен бұрын тоқтатуға қатысты дауыс берді. Бұл туралы Stan.kz ақпарат агенттігі хабарлайды.
Пленарлық отырыстың күн тәртібіндегі мәселелерінің бірі сенатор Ақмарал Әлназарованың басқа қызметке ауысуына байланысты сенатор өкілетін тоқтату болды.
“Президент жарлығымен 6 ақпаннан бастап Ақмарал Әлназарова денсаулық сақтау министрі болып тағайындалды. Осыған байланысты орталық сайлау комиссиясы Конституцияның “Парламент пен депутаттардың дәрежесі” туралы бабына сәйкес Ақмарал Әлназарованың сенат депутаты ретінде өкілетін мерзімінен бұрын тоқтату туралы ұсыныс енгізеді”, – деді орталық сайлау комиссиясының мүшесі Шавкат Өтемісов.
Бұған дейін мемлекет басшысының жарлығымен Ақмарал Әлназарова Денсаулық сақтау министрі лауазымына тағайындалған еді.
"Кәрісің, бізге жастар керек дейді": Қазақстандықтар 35-40 жастан кейін жұмысқа тұра алмайтындарын айтып, шағымданды
Тұрғын: "Ипотекамыз, екі кішкентай баламыз бар, болашағымызға алаңдаймын”
"Су тапшылығы болып, қала демала алмай қалады": Экологтар Көкжайлауда 650 миллиардқа салынатын тау кластері құрылысын тоқтатуды талап етті
Сөздерінше, құрылыс мұзды аймақтарға тікелей жақын орналасқан 3880 метр биікке салынады