Абай облысында ағасының 2 миллион теңгесін ұрлап, ұтыс ойынына тіккен жиені жазаға тартылды
Абай облысында жиені ағасының телефонынан 2 миллион теңгесін ұрлап, букмекерлік кеңсенің ұтыс ойынына тігіп жіберген. Бұл туралы Stan.kz ақпарат агенттігі хабарлайды.
ҚР ІІМ баспасөз қызметінің мәліметінше, Семейде 61 жастағы ағасының жанында тұрған жиені қоңырау шалу үшін одан телефонын сұраған. Кейін PIN-кодын алып, "Қазақстан Халық Банкі" АҚ мобильді қосымшасына кіріп, сол жерден шотындағы 2 миллион теңгені аударып алған.
Кейін жігіт ұрланған ақшаны букмекерлік кеңсеге тіккен.
“Сот құмар ойын әуесқойын кінәлі деп тауып, оған екі жылға бас бостандығын шектеу жазасын тағайындады. Сотталған адам пробация қызметіне есепке қойылды. Үйленген, екі жасар ұлы бар екенін ескере отырып, оған әлеуметтік және құқықтық көмек көрсетілді. Жұмыс квотасы бойынша электрик ретінде іске кірісті. Ол істеген ісіне өкініп, кінәсін толық мойындады", – деді пробация қызметінің аға инспекторы Назым Тоқтар.
Рейхстагқа ту тіккен Рахымжан Қошқарбаев па, әлде тарихи шындық бұрмаланды ма?
“Ақиқат бәрін жеңеді, бірақ 50 жыл кешігіп жүреді" дейді тарихшы Болат Сайлан
"Жалаң қылышпен танктерге қарсы соғысқан": Екінші дүниежүзілік соғыс кезінде жойылып кеткен 106-ыншы атты әскери дивизия туралы не білеміз
Дивизия құрамына алынатын жауынгерлерге "оқып-жаза алуы керек және орыс тілін білуі керек" деген талап қойылды