Ауыр сырқатқа шалдыққан Әбунасыр Серіков 25 келі салмақ тастаған

Көптен бері көрінбей кеткен актер Әбунасыр Серіков анасының қазасынан кейін, күйзеліске түсіп, қатты ауырып қалғанын айтты. Актер әлі күнге дейін ем қабылдап жүр екен. Бұл туралы Stan.kz ақпарат агенттігі НТК арнасының "Ревю" бағдарламасына сілтеме жасап хабарлайды. 

Фото: Ticketon.kz

"Тіпті тамақ та іше алмай қалдым. 85 килограммнан 60 килограммға түсіп қалдым. Қазір 12 келі қайта қостым", - дейді актер. 

1,5 ай үйде жатып қалған Серіков, кейіннен ел-елді аралап, емші іздеп кетіпті. Себебі созылмалы аурулары сыр беріп, заманауи медицина қауқар білдіре алмаған.

"Қазақстанның батысынан бастап, шығыс, отүстік, солтүстікке дейін аралап шықтым. Оның бәрін көбісі білмейді. Қай жерде емші бар десе, уколын да, системасын да, қытайлық емін де қабылдадым. Сынықшыларға да бардым", - деді Серіков.

• Жахан Отарғалиев телефон жөндеушіден қалай танымал жұлдызға айналды?

• Айдана Меденова баянсыз махаббаты жайлы айтты

Ал бүгінде құлан таза айығып, еңсесін тіктеген актер фильмге түсуге дайындалып жүргенін жеткізді. 

"Жақында тарихи туынды мен тағы бір комедияға кірісеміз. Серіковты танымай қаласыздар", - деді өзі.

"Киноға 20-30 шақты ұсыныс түсті. Менің оған шамам болмады. Денсаулық болмаса, мен қалай киноға түсемін? Маған қазір керемет сериал емес, толық метрлі фильмдерге келісіп қойдым", - дейді актер.