2024 жылы iPhone 16 смартфоны Apple тарихындағы ең үлкен экранмен шығарылады
2024 жылы Apple рекордтық көлемдегі үлкен смартфонды шығармақ. Бұл туралы TheGalox_ лақап атымен инсайдер өзінің X (бұрынғы Twitter) парақшасында жазды, деп хабарлайды Stan.kz ақпарат агенттігі.
Маманның айтуынша, серияның топ-моделі iPhone 16 Pro Max 6,86 дюймдік OLED дисплейіне ие болады. Автор бұл Apple смартфондарының тарихындағы ең үлкен экран екенін атап өтті. Жаңа құрылғының дисплейі бәсекелес Samsung Galaxy S24 Ultra дисплейінен де үлкенірек болады.
TheGalox_ инсайдын Ice Universe лақап атымен талдаушы да растаған. Маманның айтуынша, болашақ Samsung флагманы 6,79 дюймдік экранға ие болуы керек. Сонымен бірге, корейлік компания бұған дейін үлкенірек экраны бар гаджеттерді шығарған болатын: 2020 жылдың тамызында ұсынылған Galaxy Note 20 Ultra 6,9 дюймдік панельмен шыққан.
- Смартфондар арасындағы озық үлгі: iPhone 15 Pro-ның артықшылықтары қандай?
- iPhone 15 смартфондары қызып кетеді: Apple компаниясы ақауды мойындап, қатені түзетуге уәде берді
Қазіргі уақытта Apple смартфонының желісі төрт құрылғымен ұсынылған. iPhone 15 және 15 Pro үлгілері 6,1 дюймдік экранға ие, iPhone 15 Pro және 15 Pro Max 6,7 дюймдік экранға ие.
Қазан айының соңында Haitong International Securities сарапшысы Джефф Пу iPhone 16 және iPhone 16 Plus A18 процессорын алатынын айтты. Сонымен бірге 16 Pro және 16 Pro Max флагмандық үлгілері A18 Pro чипімен шығарылады.