Қазақстанда доллар бағамы күрт өсіп, 479 теңгеге жетті

Фото: depositphotos.com

Қазақстан қор биржасында (KASE) доллар бағамы өсуін жалғастыруда. Бүгін доллар тағы 4 теңгеге қымбаттаған. Бұл туралы Stan.kz ақпарат агенттігі хабарлайды. 

Кеше мұнай бағасының арзандауы аясында Қазақстанда доллар күрт қымбаттай бастады. Бір тәулік ішінде оның бағамы 15 теңге өсіп, 475,31 теңгеге жетті. Бүгін де бұл үрдіс жалғасын тапты.

Қазақстан қор биржасында шетел валюталарымен жүргізілген бүгінгі сауда қорытындысы бойынша доллардың орташа өлшенген бағамы 479,82 теңге болды. Бір тәуліктегі өсім – 4 теңгеден асты.

Оқыңыз

Мұнай мен доллар бағасы құбылып тұр: Сарапшылар Иран мен АҚШ келіссөзінің Қазақстанға әсері туралы айтты Оқыңыз

Kurs.kz порталының деректеріне сәйкес, ірі қалалардағы ақша айырбастау пункттерінде қолма-қол доллар айырбастау мынадай бағаммен белгіленген:

• Астанада сатып алу – 476 теңге, сату – 483 теңге;
• Алматыда сатып алу – 472,5–478,5 теңге аралығында, сату – 478,7–482 теңге аралығында;
• Шымкентте сатып алу – 478–479,5 теңге аралығында, сату – 480–482,5 теңге аралығында.

Сонымен қатар биржада еуро бағамы да қымбаттап, бір тәулікте шамамен 1,5 теңге өсті. Бүгін сағат 15:30-дағы орташа өлшенген бағамы 558,63 теңге болды.