Жүрекке зиян бес өнім анықталды

Фото:  Freepik

Кардиолог Магдалена Перельо диета ұстау жүрек саулығына айтарлықтай әсер ететінін айтты. Бұл туралы Stan.kz ақпарат агенттігі La Razon басылымына сілтеме жасап хабарлайды. 

Маманның айтуынша, өңделген ет құрамында көп мөлшерде тұз, қаныққан май және консерванттар бар. Бұл жүрек-қан тамырлары ауруының қаупін арттырады.

Тәтті сусындардың құрамында көп қант бар. Бұл дене салмағын арттырып, жүрек ауруларын тудырады. 

• "Дүниежүзіндегі өлімнің негізгі себебі": Ғалымдар пластиктен жасалған ыдыстардың адам денсаулығына зиянын зерттеді

• "Дәрігерлер ертерек бала туып ал деді": 24 жасында ерте климаксқа ұшырап, денсаулығы сыр берген ару қыз-келіншектерге жолдау жасады

Печенье, тоқаш пен чипсыда кездесетін транс майлары холестерин деңгейін көтеріп, қан тамырларының қабынуын тудырады.

Ақ нан қандағы глюкоза деңгейін жоғарылатады. Ол уақыт өте келе артерияларды зақымдап, метаболикалық синдромның, 2 типті қант диабетінің және жүрек ауруларының дамуына ықпал етуі мүмкін.

Тұз ағзадағы сұйықтықты сақтап, бұл қан қысымының жоғарылауына әкеледі.

Айта кетейік, бұған дейін Дәрігер кофе қай кезде пайдалы, қай кезде ағзаға улы болатынын ажыратып айтқаны туралы жазған едік.