Жүрегі 18 минутқа тоқтап қалған: Петропавлда дәрігерлер науқасты аман алып қалды
Петропавлда дәрігерлер жүрегі 18 минутқа тоқтап қалған адамды аман алып қалды, деп хабарлайды Stan.kz ақпарат агенттігі Астана телеарнасына сілтеме жасап.
Тыныс демікпесімен ауыратын 54 жастағы әйел кенеттен тұншыққан. Жедел жәрдем қызметі жеткенше, науқастың жүрегі тоқтап қалған. Дәрігерлер дефибрилляторды төрт мәрте қолданып, сәтсіздікке ұшырайды. Артынша қосымша дәрігерлерді шақыртып, біршама уақыттан соң әйелді тірілтіп алған.
Арнайы құрылғымен тыныс алған науқас бірден аурухананың жансақтау бөліміне жеткізілді. Қазір дәрігерлер оның жағдайын тұрақты деп бағалап отыр.
“Біз келгенде науқас ес түссіз болды. Яғни, қан айналымы мен тыныс алуы дұрыс емес болды. Біз соны байқап, бірден реанимациялық іс шараға көшіп кеттік. Не успешный реанимация менде болған жоқ. Успешный реанимация менде осы екі жылдың ішінде екінші рет болып тұр”, – деді СҚО Жедел жәрдем орталығының қызметкері Әлия Оразбаева.
Қазақстанда киіз үй бағасы 200 мыңнан 1,8 миллион теңгеге дейін: Оны кімдер сатып алады?
"Өзін құрбан ету үшін "айналайын" деп дауыстаған": Қазақтың қандай салт-дәстүрі мен ұғымдары ұмыт болды
Тарихшы: "Ауру адамды киіз үйдің ортасына жатқызып, қарт кісі үш рет айналып, есікке келгенде “айналайын” деп дауыстайды"