Жапонияда кәмелеттік жас төмендетілді

Жапонияда 140 жылда алғаш рет кәмелеттік жас 20-дан 18-ге өзгертілді. Азаматтық кодекске енгізілген түзетулер 1 сәуірден бастап күшіне енді, деп хабарлайды Stan.kz ақпарат агенттігі РИА Новостиге сілтеме жасап. 

Жаңа заң бойынша, 18 жасқа толған қыз-жігіттер ата-анасының рұқсатынсыз некеге тұра алады. Бұрынырақта қыздар 16 жаста, ал ер азаматтар 18 жаста отбасын құра алатын. 

Азаматтық кодекске енгізілген жаңа өзгерістерге байланысты, екінші азаматтығы бар жапондықтар енді тек бір елдің азаматтығын таңдауға мәжбүр болады. 

• Мойындалмаған мемлекеттердің басшылары Ресейдің құрамына кіру туралы шешім қабылдады

• Украина тарапы бейтараптық референдумы кем дегенде бір жылға созылуы мүмкін екенін мәлімдеді

Атап өтетін жайт, заңға енген өзгерістерге қарамастан, кәмелеттік жасқа толғандар әлі де табак, алкоголь өнімдерін сатып ала алмайды, сол сияқты құмар ойындарға қатысып, ақша тіге алмайды. Бұған тек 20 жастан бастап рұқсат етіледі. 

Сайлауға қатысу тәртібіне келсек, 2016 жылдан бастап бұл елде 18-ге толғандар дауыс бере алады.