Жамбыл облысында кәсіпкер сібір жарасын жұқтырған малдың етін сатқан: Ер адамға қандай жаза қолданылды?
Жамбыл облысында ер адам халықтың санитарлық-эпидемиологиялық салауаттылығы саласындағы заңнаманы бұзғаны үшін кінәлі деп танылды. Енді ол 1 млн теңге көлемінде айыппұл төлеуі тиіс. Бұл туралы Stan.kz ақпарат агенттігі хабарлайды.
Талас аудандық соты тұрғынға қатысты әкімшілік істі қарады. Ер адам 2023 жылдың тамызында сібір жарасымен ауырған малдың етін сатып, осылайша халықтың санитарлық-эпидемиологиялық салауаттылығы саласындағы заңнаманың, сондай-ақ гигиеналық нормативтердің талаптарын бұзғаны анықталды. Бұл адам денсаулығына зиян келтіргені нақтыланды.
С. өзінің кінәсін толық мойындады. Сот қаулысымен кәсіпкерге 1 млн теңгеден астам айыппұл салынды.
Қаулы заңды күшіне енген жоқ.
Талқылау