Зейнеткерді қағып өлтірген Қостанай тұрғыны шартты түрде сотталды
Қостанайда 71 жастағы әжейді қағып кеткен әйел шартты түрде сотталды, деп хабарлайды Stan.kz ақпарат агенттігі.
Наталья Ли Renault Logan автокөлігімен үйдің ауласында кетіп бара жатқан. Дәл осы уақытта 71 жастағы Жібек Аманжолова есімді әжей жолды кесіп өткен. Автокөлік жүргізушісі тежегішті басып үлгермей, әжей қайтыс болды.
Сотталушы өзінің кінәсін толығымен мойындап, адам өліміне әкеп соққан жазатайым оқиға болғанын айтып, онымен процессуалдық келісім жасасуды сұрады. Жәбірленушілер оған ешқандай шағымдары жоқ екенін және бұған келіскендерін мәлімдеді. Оның үстіне олар жүргізушіні бас бостандығынан айырмауды сұрады.
Сот сотталушының зейнетке шыққанға дейінгі жасын ескерді. Нәтижесінде шартты түрде бас бостандығынан айыру жазасы 2,5 жылға және көлік құралын басқару құқығынан 5 жылға айыру жазасы кесілді.
Талқылау
"Насыбай секілді жиіркенішті заттардың қалдықтары жатыр": Сайран жағалауын қоқыстан тазартқан жігіт желіде мақтау жинады
Алматы әкімдігі Сайранда су қоймасы мен оның маңын тазарту бойынша сенбілік өтетін айтты
"Мүгедектер мен аурулар саны артып келеді": Бір аптадан бері түтінге тұншығып отырған атыраулықтар дабыл қақты
Адамдар жүйке жүйесіне әсер ететін улы зат – күкіртсутекпен уланып жатыр